عروسة تسريحتها...وشكل طرحتها.. لون شعرها..

1- لكل بنت بتسأل عن آخر خطوط الموضة في إكسسوارات العروسة؟

التاج رجع تاني بعد ما اختفى فترة، والعروسة السنة دي بتبحث عن أجمل تاج موجود في السوق لأنه موضة.

2- إيه التسريحة اللي بتناسب العروسة اللي شعرها خفيف؟

التسريحة المناسبة للعروسة اللي شعرها خفيف هي إنها تعمل "شينيو"، ويفضل إنه ما يكونش ملموم جامد، إنما الشعر كله بيكون سايب والكوافير بيضيف شعر مستعار بنفس لون الشعر الأصلي عشان يكون شكله كثيف.

3- إيه موضة الطرحة في 2009؟

بالنسبة لموضه الطرحة في 2009 فهي الطرحة الدورين أو الثلاثة التقليدية، واحدة على الوجه والاثنين في الخلف، أما الطرحة الاسبانش خلاص مش موضة اتلغت تماماً، وأهم حاجة البساطة في الفستان والماكياج والشعر.

4- أصبغ شعري قبل الفرح بفترة أد إيه؟

بالنسبة للصبغة يتم عملها قبل الفرح بأسبوع ولو العروسة هتعمل لون بني فاتح تدخل معاه خصلات من لون شعرها الطبيعي، على أساس لما الصبغة تطلع يكون في تناسق ولازم الصبغة تكون خالية من الأمونيا.

5- طيب لو حبيت أعمل كيرايتن أعمله قبل الفرح بفترة أد إيه؟

الكيراتين مش مرتبط بميعاد الفرح خالص، وممكن تعمليه قبل الفرح بشهر أو شهرين؛ لأنه ممتد المفعول في الفرح وشهر العسل كمان، وعلى فكرة الكيرايتن هيخلي شعرك حلو طول شهر العسل، وكمان بعد كده مش هتكوني مضطرة تروحي للكوافير كل شوية

6- هل استعمال الإكسسوارات بكثرة ممكن يساعد على تقصف الشعر؟

الإكسسوارات بنستخدمها كتير في موسم الصيف وفيه أشكال مختلفه وابتكارات جديدة في الإكسسوارات، لكن أهم شيء إننا نستخدمها صح وبلاش نخلي الإكسسوار يشد الشعر أو يربطه جامد عشان شد الشعر خطر جداً ونختار الإكسسوار البسيط؛ لأن الشياكة في البساطة.